U quattru i sittembri
U mari di Paradisu, si fimmau!
E n’ta ddu silenziu
Si sintiu nna vuci:
“Mariuzza, unni si”?
“Sugnu ccà, Maistà”.
“Chi stai facennu, Mariuzza”?
“Maistà, cercu u me amicu Culapisci,
è beddu, è giuvini,
iddu nun mancia cchiù i favi a cunigghiu,
tutti ddi favi chi mme matri nni dava
quannu me patri nun piscava nenti,
ma teni a terra chi so spaddi”.
“Ma pi cchistu nun chiani ccà supra”?
“Maistà, sai quantu è beddu
vardari a me città, a me Missina di cca sutta!
Iò mi vardu intornu e i me paroli, mi nesciunu suli,
nchianunu supra, nto beddu mari di Paradisu,
trasunu nte me stanziceddi di Casi Bbassi
e cantu, cantu all’amici mei chi sunnu comu a mmia:
missinisi i cori e nni mittemu a cianciri
e prigamu a Matri a Littra, chi tutti hannu a sapiri
i cosi beddi di Missina!
Hai raggiuni, Maistà, ma iò sugnu oramai ccà
E nun mmi movu cchiù!
Ma tutti oramai si ricordirannu,
quannu cuntavu a tutti a storia,
a destra e a manca, in ogni postu
e bacirannu sta terra binditta e a farannu
cchiù bedda e impùttanti.
Vui sapiti tanti cosi, Maistà,
e sapiti puru chi a me città è a luttu,
ma puru jò ebbi a camminari
n’ta “strascina” di Santu Japico da Galizia,
ma ora sugnu ccà e vi abbracciu a tutti.
A saluti di sta schizza, e tuttu cala rittu!
E si oramai non si manciunu chiù i favi a cunigghiu,
ristirannu sempri a calia, i nzuddi, i ciciri caliati,
e u “VIVA MARIA”, da Vara i Mezzagostu”.
di Marisa Frasca Rustica
